भारतमा बिहारको सारण जिल्लामा एक अनौठो तर दुखदायी घट्ना घटेको छ ।
२५ वर्षिय मनमोहन नाउँ गरेका सर्प प्रेमी युवकले यो रक्षा बन्धन अनौठो तरिकामा मनाउने निर्णय गरे । उनी त्यो क्षेत्रमा सर्प समात्ने र तिनलाई सुरक्षित ठाउँमा छोड्ने कामका विगत १० बर्ष देखि निकै प्रख्यात थिए ।
त्यति मात्र नभई उनले सर्पले टोकेका मानिसहरुको जडिबुटीबाट उपचार समेत गर्दथे । रक्षा बन्धनको दिनमा उनले दुई वटा विशालु गोमन (फेटारा) सर्प समातेर ल्याए र आफ्नी बहिनीलाई तिनै सर्पलाई राखी बाँध्न लगाउँदै भिडियो बनाउन लगाएका थिए।
उनले सर्पहरुको पुच्छरमा समातेका थिए र उनकी बहिनीले राखी बाँधिदिदै थिइन् । तब अचानक एउटा सर्पले मनमोहनको देव्रे खुट्टाको औलामा टोक्यो ।
त्यसको केही समयपछि नै मनमोहनको मृत्यु हुनुपुगेको कुरा भारतिय समाचार सँस्था आजतकले जनाएको छ । उनलाई त्यसरी सर्पले टोकेको भिडियो सामाजिक सञ्जालमा भाइरल भइरहेको छ ।
भिडियो हेर्नुस्
