वालिङमा बसकाे ढाेका बाट खसेर पछाडिको टायरले किच्दा मृत्यु
स्याङ्जाको वालिङ नगरपालिकामा १३ बायाटारीमा बसको ढोकाबाट खसरे एक युवकको मृत्यु भएको छ ।
मृत्यु हुनेमा सर्लाही मलंगवा नगरपालिका ६ घर भई स्याङ्जा गल्याङ नगरपालिका १ खहरे बस्ने २० वर्षीय अमिल साह रहेको जिल्ला प्रहरी कार्यालय स्याङ्जाले जनाएको छ ।
बुटवलबाट पोखरातर्फ जाँदै गरेको लु.१ ख ६८९७ नम्बरको बसको ढोकाबाट खसेर साहको सोमबार बिहान मृत्यु भएको हो ।
बसबाट खसेर पछाडिको टायरले किच्दा गम्भीर घाइते भएका उनको प्राथमिक स्वास्थ्य केन्द्र वालिङमा उपचारको क्रममा मृत्यु भएको प्रहरीले बताएको छ ।
प्रहरीले बस चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।
