मुगुमा एक साता पछि हवाइ उडान सुचारू

सर्जन कुमार शाही
मुगु असार २५ गते,
मुगु स्थित रारा विमान स्थलमा मंगलवार देखि हवाई उडान सुचारू भएकाे छ ।
अबिरल बर्षाका कारण माैसम बिग्रिएर ७ दिन देखि अवरूद्व  भएकाे  हवाई उडान  आज  देखि सुचारू भएकाे हाे  ।
रारा नागरिक उड्यन कार्यालय ताल्चका प्रमुख  श्री कृष्ण रिजालका अनुसार माैसममा केही सुधार भएका कारण मंगलबार समिट  र तारा एअरले उडान भरेका हुन ।

बिभिन्न कामकाे शिलशिलामा नेपालगन्ज,सुर्खेत जाने,आउने यात्रु र बिरामीहरु यात्रा गर्न पाउँदा  खुशी भएका  छन् ।
कर्णाली तथा सुदुरका  जिल्लाहरूमा बिगत ७ दिन देखिकाे अबिरल बर्षाका कारण बाक्लाे हुस्सु र कुहिराे लागेर जताततै  माैसम बिग्रुदा  हवाई उडान अवरुद्ध  हुँदै  आएकाे थियाे ।
“गाडी बाट जाउँ भने  बाटाे खराब, प्लेन  आउदैन ७ दिन देखि  सुर्खेत जान तयार भएकाे थिए बल्ल आज माैसममा सुधार आएपछि प्लेनमा यात्रा गर्न पाईयाे खुशी लाग्याे  छायाँनाथ रारा नगरपालिका गमगढी बजार निवासी नाैलासिंह नेपालीले बताउनु भयाे ।

उडान नभएपछि  ६ दिन देखी यात्रुहरू मुगु र नेपालगञ्ज विमानस्थलमा रोकिनु परेको थियो। माैसमकाे सुधार सँगै  उडान  सुचारू हुँदा हवाई यात्रुलाई सहज भएको छ भने दैनिक उपभोग्य वस्तु र अन्य  माल सामान पनि ढुवानी हुने  बताईएकाे  छ ।