पशुपतिनाथ र राम मन्दिरका लागि बजेट
सरकारले पशुपतिनाथ र राम मन्दिरका लागि बजेट विनियोजन गरेको छ । यसअघि पनि दुवै धार्मिक क्षेत्रका लागि बजेट विनियोजन गरेकोमा यसपटक पनि बजेट विनियोजन गरेको छ ।
अर्थमन्त्री विष्णु पौडेलले आजको बजेट भाषणमा राम मन्दिर निर्माणका लागि बजेट विनियोजन गरेको उल्लेख गरे । अयोध्यापुरीमा राम मन्दिरका लागि बजेट विनियोजन गरेपनि कति विनियोजन गरिएको हो स्पष्ट पारेनन् ।
पशुपतिनाथ मन्दिरको प्रवलीकरणका लागि भने ३५ करोड बजेट विनियोजन गरेको उल्लेख गरे । यसअघि पशुपतिनाथको जलहरीका लागि सरकारले करोडौं रुपैयाँ निकासा गरेको थियो ।
अयोध्यापुरीमा राम मन्दिरलाई प्रधानमन्त्री केपी शर्मा ओलीले निकै चासो दिएका छन् । उनले यसलाई प्रतिष्ठाको विषय समेत बनाएका छन् ।
